हुण मैं लखिआ सोहणा यार । जिस दे हुसन दा गरम बज़ार । जद अहद इक इकल्ला सी, ना ज़ाहर कोई तजल्ला सी, ना रब्ब रसूल ना अल्लाह सी, ना जबार ते ना कहार । हुण मैं लखिआ सोहणा यार । बेचून वा बेचगूना सी, बेशबीह बेनमूना सी, ना कोई रंग ना नमूना सी, हुण गूनां-गुन हज़ार । हुण मैं लखिआ सोहणा यार । प्यारा पहन पोशाकां आया, आदम आपना नाम धराइआ, अहद ते बण अहमद आया, नबियां दा सरदार । हुण मैं लखिआ सोहणा यार । कुन केहा फाजीकून कहाइआ, बेचूनी से चूनी बणाइआ, अहद दे विच मीम रलाइआ, तां कीता ऐड पसार । हुण मैं लखिआ सोहणा यार । तजूं मसीत तजूं बुत्तखाना, बरती रहां ना रोज़ा जाणा, भुल्ल गया वुज़ू नमाज़ दुगाणा, तैं पर जान करां बलिहार । हुण मैं लखिआ सोहणा यार । पीर पैग़म्बर इसदे बरदे, इस मलायक सजदे करदे, सर कदमां दे उत्ते धरदे, सभ तों वड्डी उह सरकार । हुण मैं लखिआ सोहणा यार । जो कोई उस नूं लखिआ चाहे, बाझ वसीले लखिआ ना जाए, शाह अनायत भेत बताए, तां खुल्ल्हे सभ इसरार । हुण मैं लखिआ सोहणा यार ।