पुरानी अक्ख मेरे मत्थे 'चों कढ्ढ के सुट्ट द्यु किधरे इह अन्न्ही हो चुक्की है मैनूं इस अक्ख संग हुन आपना आपा वी नहीं दिसदा तुहानूं किंझ वेखांगा बदलदे मौसमां दी अग्ग सावी किंझ सेकांगा ? इह अक्ख कैसी है जिस विच पुट्ठे चमगिद्दड़ां दा वासा है ते पुशतो-पुशत तों जंमी होई बुढ्ढी निराशा है ना इस विच दरद है राई ते ना चानन ही मासा है इह अक्ख मेरे आदि पित्तरां नूं समुन्दर 'चों जदो लभ्भी उहनां सूरां दे वाड़े विच त्रक्की बोय च आ दब्बी ते मेरे जनम छिन वेले मेरे मत्थे च आ गड्डी ते फिर सूरां दे वाड़े विच कयी दिन ढोलकी वज्जी । ते फिर सूरां दे वाड़े विच मैं इक दिन कहन्द्यां सुण्या- "इह अक्ख लै के कदे वी इस घर चों बाहर जाईं ना जे बाहर जाएं तां पुत्तरा कदे इहनूं गवाईं ना इह अक्ख जद्दी अमानत इह गल्ल बिलकुल भुलाईं ना ते कुल नूं दाग़ लाईं ना ।" "इस अक्ख संग खूह च तारे वेख लईं सूरज पर ना वेखीं इस अक्ख दे गाहक लक्खां मिलणगे पर अक्ख ना वेचीं बदलदे मौसमां दी अग्ग सावी कदे ना सेकीं ।" इह अक्ख लै के जदों वी मै किते परदेस नूं जांदा मेरे कन्नां 'चों पित्तरां दा केहा हर बोल कुरलांदा 'ते मैं मत्थे 'चों अक्ख कढ्ढ के सदा बोझे च पा लैंदा । मै कोयी सूरज तां की सूरज दिया किरनां वी ना तक्कदा हमेशा खूह च रहन्दे तार्यां दे नाल ही हस्सदा ते बल के बुझ गई अक्ख संग कयी राहियां नूं राह दस्सदा । पर अज्ज इस अक्ख नूं मत्थे च ला जद आप नूं लभ्भ्या मैनूं मेरा आप ना लभ्भ्या मैनूं मेरी अक्ख पुरानी होन दा धक्का जेहा लग्ग्या ते हर इक्क मोड़ 'ते मेरे पैर नूं ठेडा जेहा वज्ज्या । मेरे मित्तरो ! इस दोश नूं मेरे 'ते ही छड्डो तुसीं होछे बणोगे जे मेरे पित्तरां दे मूंह लग्गे तुसीं कुत्त्यां दी पिट्ठ 'ते बैठ के जलूस ना कढ्ढो ते लोकां साहमने मैनूं तुसीं अन्न्हा तां ना सद्दो सगों मैनूं तुसीं सूरां दे वाड़े तीक तां छड्डो मै शायद गुंम ग्या हां दोसतो मेरा घर कितों लभ्भो । मै इह अक्ख अज्ज ही सूरां नूं जा के मोड़ आवांगा ते आपने सीस विच बलदी, सुलगदी अक्ख उगावांगा जो राह सूरज नूं जांदा है तुहाडे नाल जावांगा बदलदे मौसमां दी अग्ग तुहाडे नाल सेकांगा बदलदे मौसमां दी अग्ग तुहाडे नाल खावांगा ।