मेरे पिंड दे किसे रुक्ख नूं मैं सुणिऐ जेल्ह हो गई है उहदे कई दोश हन : उहदे पत्त साव्यां दी थां हमेशा लाल उगदे सन बिनां 'वा दे वी उड्डदे सन उह पिंड तों बाहर नहीं पिंड दे सगों उह खूह च उग्ग्या सी ते जद वी झूमदा तां उह सदा छावां हिलांदा सी ते धुप्पां नूं ड्रांदा सी ते राहियां नूं तुरे जांदे उह धुप्पां तों बचांदा सी ते पानी भरदियां कुड़ियां नूं धी कह के बुलांदा सी ते इह वी सुनन विच आइऐ कि उसदे पैर वी कई सन ते उह रातां नूं तुरदा सी ते पिंड दे सार्यां रुक्खां नूं मिल के रोज़ मुड़दा सी ते अद्ध-रैनी हवा दी गल्ल करके रोज़ झुरदा सी भला यारो अजब गल्ल है मैं सारी उमर सभ रुक्खां दियां शाखां तां तक्कियां सन की रुक्खां दे वी मेरे दोसतो किते पैर हुन्दे ने ? ते अज्ज अख़बार विच पड़्हऐ कि उह हथ्यार-बन्द रुक्ख सी उहदे पल्ले बन्दूकां, बम्ब ते लक्खां संगीनां सी मैं रुक्खां कोल सदा रहन्दियां छावां तां सुणियां सन पर बम्बां दी अजब गल्ल है ? ते इह झूठी ख़बर पड़्ह के मैनूं इतबार नहीं आउंदा कि उसने पिंड दे इक होर रुक्ख नूं मार दित्ता है जेहड़ा पिंड दे शाहवां दे घर वेहड़े च उग्ग्या सी जिस तों रोज़ कोयी काग चुगली करन उड्ड्या सी ते अज्ज किसे यार ने दस्सिऐ जो मेरे पिंड तों आइऐ कि मेरे उस पिंड दे रुक्ख नूं फांसी वी हो रही है ते उहदा प्यु किक्करां वरगा ते मां बेरी जेही हो रही है ।