इह नफ़रत दे पैंडे, इह रोसे, उलांभे इह मग़रूर यारी, इह ज़िल्लत दे कांबे इह बे-पाक राहवां, इह असमत दे झांभे मैं वर्हआं तों सूली दे दुख मर रेहा हां । उह किथे ने किथे ओ बन्दे ख़ुदा दे ? उह किथे ने हुसनां दे परदे हया दे ? उह किथे ने नग़मे वतन दी फ़िज़ा दे ? मैं वर्हआं तों रोंदे हुसन वर रेहा हां । उह किथे है 'हाशम' ते किथे है 'वारिस' ? उह किथे है मुहब्बतां दा निघ्घा जेहा रस ? उह किथे है हिजरां दी सुत्ती होयी ढारस ? मैं रातां विच सूरज दी लो कर रेहा हां । पंजेबां दी छण छण ना चरखी दी घूकर ना महन्दी दी लाली, झनावां दी शूकर ना सिक्कां, ना चावां, ना तांघां दी हूकर मैं वर्हआं तों मौतां दे साह भर रेहा हां । ना वंझली, ना बेले, ना पाली, अय्याली ना अम्बां दे बूटे, ना कोइल, ना माली ना सोयां दे फुल्लां ते टहके हिराली मैं वर्हआं तों वीरानियां हर रेहा हां । ना वारी सदकड़े, ना लोरी ना भैणां ना मावां दे दुद्धां च शेरां दा रहणा ना वीरां दे जज़बे, ना प्रीतां दी मैणां मैं वर्हआं तों कहरां दे विच मर रेहा हां । यो यारो, ओ यारो ! उह वारस नूं लभ्भो यो कबरां विच सुत्ते होए बे-ख़ौफ़ रब्बो यो गलियां च भौंदा उह दीवाना लभ्भो मैं वर्हआं तों सुक्की झनां तर रेहा हां । यो आयो, ओ आयो, वतन नूं संभालो, उह कुरलाट सहकी प्रीतां नूं पालो, उह दरदां नूं छन्नां ज़हर दा प्यालो, मैं हुसनां दे हुसनां च रस झर रेहा हां ।