साउन महीने कूल्हीं वगदा मेरे रंग दा पाणी नी माए मेरीए । निक्के निक्के घुंगरू बन्न्ह पैरां थीं निक्के निक्के वट्ट्यां थाणीं नी माए मेरीए । नीम वैंगनी नीले परबत ज्युं गगनां दे हाणी नी माए मेरीए । लाल कलेजी रंगा सूरज फुल्ल अम्बर दी टाहणी नी माए मेरीए । नीम गुलाबी उड्डन बद्दल ज्युं कंवलां दी ढाणी नी माए मेरीए । पौणां दे साह चुंमणां वरगे पीवे जिन्द निमाणी नी माए मेरीए । ज्युं-ज्युं पीवे त्युं-त्युं रोवे लभ्भे मोए हाणी नी माए मेरीए । अत्थरी पीड़ कलेजे चुगदी ग़म दी चोग पुराणी नी माए मेरीए । सद्द तबीबा जिस दे बाझों इह जिन्द दरद-रंझाणी नी माए मेरीए । उहदे साथ बिनां इह साथों जावे रुत्त ना माणी नी माए मेरीए । जे मैं माणां छिड़ब करीवे मेरी पीड़ न्याणी नी माए मेरीए । साउन महीने कूल्हीं वगदा मेरे रंग दा पाणी नी माए मेरीए ।